Nangapudan ngunyan an Russia sa agarang paglilinaw gikan sa US makalihis kaining ianunsiyar na naarestar na asin napatalsik gikan sa Venezuela si President Nicolas Maduro kaibahan an saiyang agom na si First Lady Cilia Flores.
An Venezuela pigkokonsederar na pinakaimportanteng kaalyado kan Russia sa Latin America pag-abot sa kalakalan asin militar. Pigbisto man kan Russia si Maduro komo presidente kan Venezuela.
Susog sa sarong statement, pigpaabot kan Russian Foreign Ministry an labis na pagalala kan Russia sa naireport na pwersahang pagtanggal ki Maduro asin First Lady gikan sa saindang nasyon, kasagsagan kan agresibong mga aksiyon kan Amerika.
Sigun sa Russia, enkaso man totoo dae katanggap-tanggap na pagbalgar sa soberaniya kan sarong independent state, sarong paggalang sa importanteng prinsipyo kan International Law.
Enot ng kinondena kan Russian Foreign Ministry an ginigibo kan US na armadong agresyon kontra sa Venezuela, asin sinabing “excuses” para tawan katwiran an siring kaining mga aksiyon na dae katanggap-tanggap.
