Pighayag ni Russian President Vladimir Putin na preparado na soboot sinda makipag-ulay sa Ukraine nin mayo nin ano man man klaseng kundisyon dapit sa pagwawakas kan giyera.
An nasambitang pahayag makalihis an sarong meeting ki US envoy Steve Witkoff kan nakalihis na aldaw nin Biyernes.
Sigun sa tagapagtaram kan Kremlin na si Dmitry Peskov, pauru-utro na soboot binanggit ni Putin an posisyon kaini manungod sa pagbubusol nin katrangkiluhan sa rehiyon.
Bagaman andam na makipag-ulay, padagos na binanggit ni Putin an mga pighahagad kan Russia, kabali na an pag-kontrol sa limang rehiyon kan Ukraine na soboot pig-aangkin kaini, an pagkalas kan Ukraine sa pagigin kasapi kan NATO, asin man an pagbabawas o paghali kan mga pwersang militar kan nasyon.
Sigun ki Putin, an digmaan an sarong “hybrid war” na pinapakusog soboot kan NATO kontra sa Russia kun saen mawot kaining baguhon an estruktura kan seguridad kan Europa, orog na an pagde-deploy nin mga pwersang sundalo kan NATO harani sa border kan Russia.
Mientrastanto, naghaloy an pag-uulay ninda Putin asin Witkoff nin tulong oras, na segun sa Kremlin nawa “makinabang” sa posibilidad kan paguulay sa katoninungan.
