Tinutukan kan Russian spy ship na Yantar nin lasers an Royal Air Force na nagmamanman sa aktibidad kaini harani sa katubigan kan United Kingdom.
Sigun ki US Defense Secretary John Healey, seryosong pig-aaksyunan na kan gobyerno kan UK an labing mapeligrong aktibidad kan Russian spy vessel.
Namataan soboot an spy ship sa hilaga kan Scotland asin naglaog sa katubigan kan US sa ikaduwang pagkakataon ngunyan na taon.
Ipagpapadagos man kan US an pagmanman sa hiro kan Russian intelligence ship asin ipepreparar an saindang military options enkaso magbago nin direksiyon an Yantar.
Nagtao man nin mensahe an US defense chief sa Russia asin ki President Vladimir Putin na aram ninda kun ano an pakay ninda sa lugar asin kun tutumbukon kan Yantar an timog na direksiyon ngunyan na semana, nakapreparar soboot sinda.
Sa kampo man kan Russia, pighurot kan Russian Embassy na dae sinda interesado sa British underwater communications.
An mga aksiyon soboot kan saindang nasyon an dae nakakaapektar sa interest kan UK asin dae ninda intensiyon na rauton an seguridad.
Alagad, an piggibo soboot kan UK na pagpapahigot pa kan “militaristic hysteria” asin “Russophobic path” an nagreresulta sa pagkaraot kan seguridad sa Europa na nagtataong dalan sa panibagong mapeligrong sitwasyon kaya pig-enkaminar kaini an kampo kan UK na untukon na anumang mapeligrong lakdang na pwede soboot makapagpalala kan krisis sa Kontinente kan Europa.
