NAGA CITY– Gadan an duwa katao makalihis sumalpok an sarong motorsiklo sa pampasaherong bus sa banwaan kan Lupi, Camarines Sur.
Binisto an mga biktima na sinda Sandy Padua asin George Merabueno.
Sa entrevista kan Bombo Radyo Naga ki PO3 Carlito Navarosa kan Lupi-PNP, sinaysay kaini na mantang pigbabagtas kan nasambitan ng motorsiklo na minamaneho ni Padua kaibanan an backrider na si Merabueno an kalabaan kan tinampo sa nasambitan ng lugar kan bigla ining mag-overtake sa pigsusundan na bus.
Alagad dae narisa kan nasambitan ng motorista an kasabatan kaining saro pang bus na nagin dalan para sumalpok ini sa nasambitan ng lunadan.
Huli sa kusog kan pagkakabangga, dead on the spot si Merabueno mantang pinurbaran pa kuta nang maidalagan sa ospital si Padua alagad pigdeklarar nang dead on arrival kan mga doktor.
