Makalihis ki Royse Tubino si veteran setter Chie Saet naman an nagpirma sa Strong Group Athletics makalihis an pitong taong pagkawat sa Petro Gazz.
Ini an ikatolong player kan Gazz Angels na naghali. Nagin parte si Saet, kan dating La Salle Lady Spikers standout, kan apat na PVL championships kan Petro Gazz.
Pupwede magkawat an 41-anyos na si Saet arinman sa Farm Fresh o ZUS Coffee na nasa irarom kan pamamahala kan SGA antes an Premier Volleyball League (PVL) 2026 All-Filipino Conference sa Enero 30.
Nadaog an Thunderbelles sa Gazz Angels kan nakalihis na 2025 PVL Reinforced Conference one-game championship.
Apwera ki Tubino nagpirma na man sa SGA si dating Choco Mucho libero Bia General.
Sinda Cess Robles, Karen Verdeflor asin Ren Peñafiel an mga enot nagpirma sa SGA antes matapos an taon.
