NAGA CITY- Matrayumpong naikundusir an Sakay ni Ina sa banwaan kan San Jose, Partido Area sa Camarines Sur.
Sigun ki Police Captain Glen Loquias, an Deputy Chief of Police kan San Jose Municipal Police Station, na alagad maski nag-uran, mayo man nin naikurit na untoward incidents asin nagin matuninong an prusiyon o an local Peñafrancia Fluvial Procession sa nasambitan ng banwaan.
Apwera pa digdi, dae soboot natinag an mga deboto asin voyador na mag-iba sa prusisyon sa ibong kan makusog na uran mantang an iba nag-abang sa pampang.
Mientrastanto, an Sakay ki Ina sa nasambitan ng banwaan an saro sa pigdadayong local celebration kan Penafrancia Fiesta sa Partido Area antes an pagselebrar kaini sa siyudad nin Naga.
