Uminabot na sa 95% an kahandaan kan kapulisan sa banwaan nin San Fernando Camarines Sur para sa nagdadangadang na Semana Santa.
Sa intrevista kan Bombo Radyo Naga ki PCpt Israel Banaag, an Chief of Police kan San Fernado Municipal Police Station, Linalaoman an pagdagsa kan mga byahero asin deboto sa manlain lain na parte kan robinsya sa mga masunod na aldaw.
Kabali sa mga preparasyon an paglatag nin mga police assistance desk, dagdag na presensya kan pulis sa mga primary roads asin pagbabantay sa mga lugar na dinadayo kan publiko siring kan simbahan asin teminal.
Sigon pa sa Hepe, preparado na na saindang hanay para sa pagpautob kan mga contingency plan kabali an traffic management asin crowd control tanganing maibitaran an abala asin mamantiner an katrangkiluhan.
Pagirumdom na sana sa publiko kan opisyal na makisumaro sa ipapautob an lakdang sa seguridad asin magsunos sa mga panundon tanganing masierto an salbado asin marhay na pagkomemorar kan semana santa.
