NAGA CITY – Prayoridad kan alkalde nin Libmanan Camarines Sur ngunyan na taong 2026 an Sanitary Landfill, Public Market asin 500k para sa mga proyekto kan 40 barangay.
Sa nagin paghampang sa mga kagawad kan media ni Mayor Edelson Marfil kan Local Government Unit kan Libmanan, Camarines Sur pigsaysay kaining ini an saro sa nagpirma dapit sa serbisyong pigpresentar na itatao sa namamanwaan kan nasambitan na banwaan.
Komo sarong banwaan na pigbibisto an kauswagan, kamawotan kan Alkalde na dapat soboot ini mamatean man kan mga namamanwaan sa paagi kan pagtao nin nararapat sa serbisyo para sa sainda.
Mientrastanto parte kan pagapruba kan 2026 budget, kamawotan kan alkalde na mas mapakarhay an mga pigpaprayoridad kan kada barangay kan banwaan tanganing mas mamatean an suporta kan lokal na gobierno sa paagi kan development project.
Sa ngunyan obheto kan proyektong ini na mas mapauswag pa an banwaan
