Nahihilangan soboot nin medyo pagmarhay sa kamugtakan kan saiyang salud an Santo Papa.
Kumpara sa mga nakalihis na semana, medyo nagmarhay na an motor asin respiratory functions kan 88-anyos na si Pope Francis.
Pigbawasan na man an paggamit kaini nin non-invasive mechanical ventilation tuyong bangi asin high-flow oxygen therapy man tuyong aga.
Sa saiyang pagturog kan nakalihis na bangi dae na kinaipuhan pang maggamit nin mechanical ventilation asin imbes an naglalaom sinda sa high-flow oxygen.
Mientrastanto, maski pa nagmarhay na an kamugtakan ni Pope Francis, padagos pa man giraray an pagbabantay na ginigibo kan saiyang doktor.
Nagpartisipar man an Argentinian Pope sa mga pagpapangadyi asin nagkapirang mga magian na trabaho.
Mahigot man kaining pigsusunod an proper diet kun saen pigtugutan na ining magkakan nin mga solid food.
