(UPDATE) NAGA CITY- Nagpaluwas na nin kasuguan an Philippine Coast Guard (PCG) Southern Quezon na ipagpadagos an ginigibong search and rescue operation para sa apat na mga pasahero kan naglubog na motorized banca sa San Francisco, Quezon.
Sa entrevista kan Bombo Radyo Naga ki Lt. Junior Grade Benjamin Formentos, Jr,
Station Commander kan CGS-Southern Quezon, sinaysay kaini na pigsugo na niya an mga kabuhan hale sa Substation Guinayangan asin Substation Marinduque na padagos na magkondusir nin pagpapatrolya urog na harani sa pinangyarihan kan insidente.
Nakikipagtabangan naman suboot sinda sa mga parasira sa lugar tanganing mas maparikas an paghanap sa nawawara pang apat na pasahero kan naglubog na baroto.
Marurumduman na ma-picnic kuta na kan nakaaging Biyernes Santo sa Burias, Masbate an siyam na mga pasahero kan bigla na sanang rapaduhon an nasambitang motorized banca nin makukusog na hukol na nagresulta sa paglubog kaini.
Apat na mga pasahero an narescue kan mga parasira, sarong 12-anyos an napabaretang binawian nin buhay mantang apat man an padagos pang hinahanap kan mga otoridad.
