NAGA CITY- Gadan an saro katao mantang iridu an tulong iba pa kaibanan an sarong Philippine Army asin sarong menor de edad sa aksidente sa banwaan nin Ragay Camarines Sur.
Binisto an nagadan na si Lydio Jesalba, mantang iridu man sinda Bienvenido Rubis Jr sarong Philippine Army, Jonalyn Rubis asin sarong dos-anyos na aking babae.
Sa nagunong impormasyon kan Bombo Radyo Naga sa Camarines Sur Police Provincial Office, napag-araman na mantang pigbabagtas kan SUV na minamaneho ni Bienvenido Rubis Jr an nasambit ng lugar kan makaturog ini na nagin resulta para ukuparon kaini an linya kan kasabatan na bus na minamaneho naman ni Rey Dalhog.
Huli sa insidente nagsapo nin mga lugad sa manlain-lain na parte kan lawas an mga pasahero kan SUV na tulos man na dinara sa ospital alagad dai na naisalbar pa an buhay ni Jesalba.
Mientrastanto mayo man nairidu sa mga pasahero kan nasambitan na bus.
