NAGA CITY – Gadan an sarong babae mantang irido an duwang iba pa makalihis makabangga an sarong pampasaherong bus sa duwang harong sa Brgy San Felipe, Basud Cam Norte.
Binisto an nagadan na si Eleonor Corea , 34 anyos residente kan nasambitan na lugar mantang irido man an driver na si Cyrus Kim Teoxon Hernandez asin sarong pasahero kaini.
Sa entrevista kan Bombo Radyo Naga ki PCapt. Diana De Vera, hepe kan Basud PNP, sinaysay kaini na dai na suboot nacontrol kan driver an lunadan huli sa mahalnas na tinampo asin tulos na buminangga sa duwang harong sa gilid kan tinampo.
Segun ki De Vera, dead on the spot si Corea na nagsasakdo kuta na n in tubig makalihis tamaan kan bus an harong kaini, mantang comatose man suboot an sarong pasahero na si Perenio makalihis makatama an payo sa bakal.
Segun man ki Hernandez , dai na siya nakapreno pa huli ta alanganin na kun kaya nagduruduritso an lunadan sa mga kaharongan.
Sa ngunyan nagtitinir na an driver na si Hernandez sa kustudiya kan mga otoridad para na para sa maninigong disposisyon.
