NAGA CITY– Nakikipagkoordinar na ngunian an mga otoridad sa probinsya nin Quezon sa manlaen laen na coastal areas asin sa Philippine Coast Guard (PCG) para mahanap an soboot saro pang container na igwa nin laog na mga cocaine na nahiling na nagpapataw-pataw sa kadagatang sakop kan nasambitan ng probinsya.
Sa entrevista kan Bombo Radyo Naga ki PCI Marcelito Platino, tagapagtaram kan Quezon Police Provincial Office (QPPO), sinaysay kaini na basado sa nagin pahayag kan mga parasira na nagturn over sa sainda kan enot na container na igwang laog na 27 bricks of cocaine, may nahiling pa soboot sinda na saro pang container na nagpapataw-pataw sa nasambitan ng lugar.
Alagad sigon ki Platino, dae soboot kinua kan mga parasira an nasambitan ng container huli ta arug kan naenot na narecover, mayo nin ideya an mga ini kung ano an nasambitan ng mga substance.
Kung marurumduman, apwera sa 27 bricks nin cocaine enot nang naiturn over sa mga otoridad an saro pang brick na sunod na ipinasairarom sa eksaminasyon kan Crime Laboratory asin positibo an nagin resulta kaini na pigtutubudang kaibanan kan enot na narekober.
Sa ngunian, mas pinahigot kan mga otoridad an pagmomonitor asin paghahanap sa natatadang container na soboot nasa tahaw pa kan kadagatan.
