Pigbubusol man ni Senator Loren Legarda an dagusang pagbabawal sa online gambling sa nasyon.
Sa irarom kan propwesto, ipagbabawal an gabos na klase nin online gambling siring man kan casino, e-sabong, digital lotteries, virtual slots, asin sports betting.
Mahigot man na ipagbabawal an pag-e-endorso asin pag-advertise nin gambling-related content online.
Oras na maisabatas, susuguon an mga internet service provider na i-block an mga gambling platform sa laog kan 48 oras makalihis na makua an kasuguan.
Advertisement
Kun dae masunod an service provider, pagmumultahon ini o babawian nin lisensya.
An mga kumpanya man na mabalgar an papatawan nin multa nin nasa ₱500,000 hasta ₱1,000,000, asin hasta man sa tulong taong pagkakakarsel para sa mga may salang opisyal.
Advertisement
