Aram baya nindo mga ka-bombo si Zhang Sixuan, sarong 9-anyos na aking babaeng gikan sa probinsiya kan China, dinaog an nagkapirang pinaka-elite na kung fu masters sa kinaban tanganing makua an titulong “Shaolin Kung Fu Star” sa World Shaolin Games kan nakalihis na taon.
Kun saen, igwang milyun-milyong Shaolin Kung fu practitioner sa bilog na kinaban, asin lambang taon, ribu-ribo sa sainda an nakikipagkumpetensiya para sa tyansang maimbitaran na magpartisipar sa World Shaolin Games Finals.
Kan nakalihis na taong-2024, sarong international cast kan 124 kung fu practitioner an naimbitaran tanganing ipahiling an saindang skills sa sarong templo kan Shaolin sa may parte kan Henan, China, sa hampang kan mga respetadong kung fu masters asin sarong audience kan kung fu enthusiasts.
Kaibahan sa sainda an sarong 9-anyos na aking babae na ipinahiling an saiyang kakayanan asin kahusayang sa tong zi gong (sarong klase kan Shaolin kung fu) kun saen pinabigla kaini an mga hurado asin an mga nagdadalan, kaya nakua kaini an pighahangad na titulong Shaolin Kung Fu Star.
