NAGA CITY – Tinawan duon kan sarong associate lawyer na mayong espesipikong ley na nagsasaysay na bawal an corporal punishment sa pagdidisiplina kan magurang sa saindang mga kaakian.
Sa entrevista kan Bombo Radyo Naga ki Atty. Bryan Clark Zacarias, associate lawyer kan sarong law firm, sinaysay kaini na mayong maraot sa pagdidisiplina kan mga magurang sa saindang mga kaakian alagad siertuhon soboot na dae maabot sa punto na naaabuso na an derechos kan mga aki orog na kun napupuli na sa pig-aapod na physical abuse.
Sigun ki Zacarias, oras na mag-abot sa punto na naabuso na an aki physically digde na malaog an mga criminal case na pwedeng isangat kontra sa sainda.
Dugang pa kan abogado, kadakol na mga ley an nagpoproteher sa mga kaakian orog na sa presenteng panahon kun kaya kaipuhan na magin mindful kan mga magurang sa klase kan pagdidisplina na saindang pigpapautob sa laog kan harong.
Katakod kaini, sa presente igwang pig-aapod na soft parenting o an pagka-ulay sa mga aki na malumanay asin bakong sa paagi kan pangungulog.
Sa ngunyan, pigpagirumduman na sana kan abogado an gabos na mga magurang na likayan an paggamit nin dahas sa pagpapadakula kan saindang mga kaakian tanganing malikayan an trauma asin mga magkakanigong kapadusahan dapit digde.
