Aram baya nindo mga ka-bombo, sa Bucharest, Romania nakuanan an video kan pagguho nin tinampo asin paghalon sa sarong kotse, pati an aki na kakaluwas pa sana gikan sa nasambitan ng lunadan.
Tulos na man nagtabang an mga nakahiling alagad an sarong babae an nagkusog-boot na naglaog sa sinkhole tanganing isalbar an saiyang aki.
Saro man na lalaki an nagsunod sa babae sa sinkhole hasta sa salbado na kaining nakua an aki asin naihawas gikan sa sinkhole.
Salbado man na nakahawas gikan sa sinkhole an babae na napahibi kan mahiling na marhay an kamugtakan kan saiyang aki.
Basado sa inisyal na imbestigasyon kan mga otoridad, nagaba an tinampo huli sa erosion sa irarom dara kan lumang utility pipe.
Nakadugang man soboot sa sitwasyon an gabat kan garbage truck na yaon sa gilid kan kotse.
Huli man sa insidente, natatakot na an ibang motorista na liwat mautro an nangyari.
Mientrastanto, katakod digde, nagpromesa man an mga opisyal na susurion an mga tinampo sa saindang lugar.
