Aram baya nindo mga ka-bombo, an mga otoridad sa Montgomery Township, Pennsylvania, pig-intrudusir an sarong wavy lane patterns sa nagkapirang kalye tanganing mabawasan o mapaluya an bulos kan trapiko sa area.
Susog sa report an regular na lane patterns an pigribayan nin wavy, zig-zag lines na garo nakainom an nagpintura alagad ini an parte nin design kan tinampo.
Sigun sa mga opisyales kann Montgomery Township, an kakaibang patterns an saindang nahihiling na magayon na solusyon sa marekas na pagpapadalagan kan mga nagkapirang motorista sa lugar.
Igwa man pigbugtak na traffic-calming measures komo kasimbagan pa sa nagkapirang reklamo na ginagamit an mga kalye komo speedways.
Sa mga nakalihis na taon, pigkonsederar man an paggamit kan speed bumps alagad ini an pigkonsederar na dae compatible sa klase kan tinampo. Siringman an paggamit kan Police radar asin police cars an pigposisyon sa mga kalye alagad dae nagin matrayumpo.
Sa ngunyan, an mga first time na mag-agi sa nasambitan ng lugar an nakikilhag sa klase kan design na igwa an area.
