NAGA CITY- Ipinaliwanag kan sarong botante sa banwaan nin Calabanga an nadiskubrer kaini na pre-shaded ballots para sa nagkapirang kandidato sa kakatapos pa sana na 2025 midterm elections kasuudma, Mayo 12, 2025.
Sa entrevista kan Bombo Radyo Naga ki Maria Theresa Bonot, a residente kan Barangay Ratay sa nasambitan ng banwaan, sinaysay kaini na panduwang batch sinda kan nag-avail para sa Early Voting Hours para sa mga vulnerable sectors.
Sigun ki Bonot, kan saiyang mareseber an balota, napansin soboot kaini an markings para sa congressional candidate, senatorial candidates sa Precinct 131A kan Ratay Elementary School.
Tolos kaining pig-alerto an mga election staff asin kaibahan na mga botante orog na ta labi an saiyang kahaditan huli sa insidente.
Katakod kaini, pigsimbagan man kan mga election staff an saiyang concern asin niribayan nin bago an saiyang balota.
Makalihis ini, liwat na pig-check ni Bonot an bagong balota tanganing mahiling kun mayo na nin mga markings. Kan mayo nang maging problema, ipinadagos na kaini an pagboto.
Katakod kan pangyayari, liwat na pigtawan duon ni Bonot an importansiya kan pagigin vigilante sa proseso kan pagboto tanganing dae malusutan asin malikayan an darayaan.
