NAGA CITY– Plano ngonian kan Provincial Government kan Camarines Sur na palaogon sa probinsya an sarong Chinese Company na magdadara suboot nin dakulang tabang sa mga namamanwaan.
Sa nagin sesyon regular sa Sangguniang Panlalawigan, natukar an nasambitan na resolusyon na nagtatao nin otorisasyon ki Governor Migz Villafuerte na palaogon an Panhua Chinese Steel Manufacturing sa probinsya.
Sinaysay ni Bukal James Jaucian, na kun enkaso madagos an nasambitang ng kaplanuhan, kinakarkulong nasa 10,000 na mga namamanwaan an pwedeng matawan nin trabaho.
Mientrastanto, segun ki Jaucian, mayo suboot dapat na ipaghandal an publiko huli ta maagi man ini sa proseso urog na sa Department of Environment and Natural Resources para masierto na dae maapektuhan an kapalibutan.
