NAGA CITY- Kamawotan kan sarong deboto kan Itom na Nazareno sa siyudad nin Naga na maikundusir nin matuninong, maogma asin magayon an kafiestahan kaini nguyan na taon.
Sa entrevista kan Bombo Radyo Naga ki Emma Benaid, Deboto kan Itom na Nazareno, sinaysay kaini na haloy ng panahon soboot na an saindang bilog na pamilya an padagos na nananampalataya sa imahe kan Black Nazarene.
Sigun ki Benaid, 15-anyos pa sana ini, saiyang namatean an hararom na debosyon kan saiyang mga magurang sa Itom na Nazareno orog na ta an mga ini an Founder President kan nasambitan ng Imahe.
Sa paagi soboot kan saindang pananampalataya, saindang namamatean an proteksyon, tabang, paggian kan buhay sa ibong kan mga huma na naeeskperyensiyahan sa ara-aldaw.
An saindang hararom na debosyon an pigpapadagos nin huli ta ini naman an sainang nakatudan, dinakulaan asin gugurangan.
Ngunyan na taon mas nagdakol soboot an deboto kan Itom na Nazareno nin huli ta apwera sa saindang mga members igwa namang mga chapters an nabilog sa hararaning banwaan.
Sa ngunyan, kasabay kan kafiestahan kan Itom na Nazareno, hagad na sana kaini na mairayo an gabos sa anuman na katibaadan, helang, kalamidad asin iba pang mararaot na bagay.
