NAGA CITY – Hagad kan sarong Kapitan sa siyudad nin Naga an kooperasyon kan saindang mga residentes para sa pagmantinir kan kalinigan sa saindang komunidad mgunyan na panahon nin tag-uran.
Sa entrevista kan Bombo Radyo Naga ki Efren Nepomuceno, Barangay Kapitan kan San Francisco sa siyudad nin Naga, sinaysay kaini na dapat dae magin pabaya an mga tawo sa saindang palibot nin huli ta kadakol na mga helang an pwedeng makua gikan sa maating kapalibutan.
Sigun pa sa opisyal, ngunyan na tag-uran, pigbabantayan kan saindang lado an kaso kan dengue tanganing tolos na matawan nin tabang asin maaagapan na dae na maglala pa an problema.
Katakod kaini, yaon an pakiulay ni Nepomuceno na magin responsable an mga tawo tanganing mamantinir na malinig an komunidad.
Mienrastanto, apwera digde, pig-abisuhan man kan Kapitan an publiko na dae pagbayaan na bukas an saindang mga harong asin pirme soboot na i-check an mga lock kan pinto kasunod kan nairehistro na insidente kan panghahabon.
Ini tanganing dae magkaigwa nin tsansa an mga kawatan na isagibo an krimen. Sa ngunyan, hagad na sana kaini an ikakarahay kan lambang mga indibidwal.
