NAGA CITY – Pig-uyonan kan sarong barangay kapitan sa siyudad nin Naga an apat na taon na extesion nin termino kan mga Barangay asin SK Officials.
Sa entrevista kan Bombo Radyo Naga ki Jerrold Rito, Kapitan kan Brgy. Concepcion Grande sa nasambitan ng siyudad, sinaysay kaini na bukas ini sa nasambitan ng lakdang alagad dae ini uyon sa anom na taon na extension.
Ini nin huli ta halawigon na soboot na maray an anom na taong nakatukaw an sarong opisyal, alagad an apat sanang taon, bastante ng panahon tanganing mapatotoohan an saindang mga naginiribuhan asin mga gigibuhon pa na mga proyekto asin programa.
Mientrastanto, sa presente nasa 30 hasta 40 porsyento pa sana soboot an mga nagibo o naipautob na mga programa sa saindang barangay.
Huli digdi, dakulang tabang soboot an idudugang na duwang taon tanganing mas kadakol pang programa an maiimplementar siring mas dakol na proyekto an saindang maipaplano para sa ikakauswag kan saindang barangay.
Katakod kaini, saro man sa nahihiling na disadvantage kan siring na lakdang an para sa lado kan mga nagkandidato kaidto na dae nanggana na mawot liwat makatukaw.
