Nangapudan an sarong Kapitan sa publiko sa cuidad nin Naga katakod kan pagselebrar kan Peñafrancia Festival.
Sa entrevista kan Bombo Radyo Naga ki Elisa Carmona- Barangay Kapitan kan Tabuco Naga City, sinaysay kaini na selebrasyon kinakaipuhan na an lambang deboto an dapat magin vigilante tangani na maibitaran an magin biktima kan panghahabon orog na so mga gikan pa sa harayong lugar.
Apwera sa mga Barangay Opisyal na mga ma-duty igwa na sinda nin nasa 10 barangay tanod sa saindang lugar an naka-standby na kun sain ini an 24/7 na matrabaho katuwang an mga kapulisan orog na sa pagtao nin seguridad sa publiko.
Dugang pa ni Carmona na igwa an mga tanod nin mga specific na spot kun sain tangani na masierto na magin secure an nasasakupan kan saindang baragay orog na ta sinda na harani sa main road.
Sa nguyan pagirumdom na sana kan kapitan na sa gabos na mga deboto ni Inang Peñafrancia na magin maingat orog na ta piglalaoman an pagdagsa kan tawo.
