Aram baya nindo mga ka-bombo, an Infinity Studio na sarong Shanghai-based company an igwang kakayanan sa paggibo nin hyper-realistic silicone statues na susog sa pamosong mga pelikula, cartoon asin video characters.
An nasambitan ng studio an pigmukna kan taong 2014 sa Shanghai, China asin tolos na na-establisar asin nabisto sa mga naggigibo nindang makangangalas na silicone statues.
Ini man an igwang lisensiya para sa pagkriar nin garo totoong estatwa kan mga franchise siring kan Dragon Ball, Batman, Wonder Woman, Predators magin an culture classics siringkan Romance of the Three Kingdoms.
An kada silicone statue an malikay na piggigibo tanganing an gabos na features o detalyes kan obra an saindang perpektong maaarog.
