Aram baya nindo mga ka-bombo, an Zeroe Caviar sarong plant-based fish egg alternative na gibo sa seaweed na sigun sa nagkriar kaini kanamit kan totoong caviar.
Susog sa report, an Plant-based food alternatives an mas nagin pamoso sa mga nakalihis na taon kun saen an burgers asin steaks an saro sa mga pigtatarget na kategorya,
Katakod digde, an Zeroe Caviar, an gibo sa seaweed na pinatalubo sa baybayaon kan France na igwang kumbinasyon kan mga sangkap siring kan cayenne, black pepper, turmeric, laurel, leek, dill asin tarragon.
An nasambitan ng Zeroe Caviar an pig-adaptar kan Michelin-star restaurants asin chefs, asin susog sa mga reviews kanamit kaini an totoong sangkap kan Caviar.
Dugang pa digde, an Zeroe Caviar an plant-based na boot sabihon mayong sira o anuman na animal products an ginamit sa produksyon kaini.
Sa ngunyan, an 50-gram kan nasambitan ng caviar an nagkakantedad nin nasa $42, mantang an 300-gram jar an mababakal sa $120.
