Aram baya nindo mga ka-Bombo, dae man gabos, alagad saro sa habo kan pirang kababaihan iyo an pagsulot nin high heels.
Siringpaman, kinabog kan sarong lalaki gikan Spain an pirang mga babae makalihis kaining makapagrehistro nin world-record na pagdalagan nin patalikod mantang nakasulot nin high heels.
Pak na pak an datingan ni Christian Roberto López Rodríguez kan malampasan kaini an sadiring titulo na makapagdalagan sa rayong 100 meters sa laog kan 20.05 seconds huli sa pagkakataon na ini, nairehistro kaini an rikas na 16.55 seconds.
Tangani man magin opisyal an nasambitan ng record, dapat nakasulot ki Rodríguez an heels na may langkaw na 2.76 inches asin 0.59 inches dakula kan tip kaini na saiya man napagtrayumpuhan.
Binisto na ini komo sarong serial Guinness World Record-breaker. Sa presente, kapot kaini an 80 world titles, kabali na an fastest 400 meters mantang nakasulot nin clogs na may rikas na 1 min. asin 1.38 seconds.
