Aram baya nindo mga ka-bombo, sarong babae sa UK an matrayumpong napatotoohan na an ama kan saiyang Ina an nakipagsabwatan sa empleyado kan sarong DNA test lab tanganing pekeon an paternity test asin makalikay na magbayad nin nasa $125,000 komo child support.
Susog sa report, makalihis na magsuhayan si Chelsea Miller asin an saiyang partner na si Sheldon B. tolong aldaw makalihis na ipangaki an saindang aking lalaki kan taong 2022, pig-deny man kan lalaki na ini an ama kan saiyang aki asin mawot na magsagibo nin DNA test.
Katakod digde, enkaso soboot magluwas na negative an resulta kan paternity test makakatipid si Sheldon nin nasa $125,800.
Sa labing kakilhagan ni Miller nagluwas na negative an resulta kan DNA test kan saiyang aki asin ni Sheldon na boot sabihon bako ining mag-ama.
Kasabay kan pangyayari, dae nagsuko an babae asin naghanap nin paagi tanganing mapatotoohan na pigpeke an resulta kan DNA.
Kinalaunan, pig-ako man ni Sheldon na pinagplanuhan kaini na pekeon an paternity test tanganing malikayan na makapagbayad nin child support sa paagi kan tabang kan sarong empleyado kan laboratoryo.
Sa ngunyan, pigsentensiyahan nin 50 semana asin asin 33 na semana an duwa mantang labi man an kaaangutan ni Miller huli sa pagigin unprofessional kan empleyado kan nasambitan ng laboratoryo.
