Aram baya nindo mga ka-bombo, pigsaysay kan sarong Librarians sa Ohio na an kopya kan Wild West ni Bertrand W. Sinclair an liwat na mabweltada sa sirkulasyon makalihis na maibalik ini sa Library makalihis an haros 98 taong due date.
Sigun sa Cincinnati and Hamilton County Public Library sa saindang social media post na an nasambitan ng libro an pigsubli kan taong 1926 asin liwat na naibwelta sa Prince Hill Branch sa katapusan kan 2024.
Sigun ki Christopher Smith, an genealogy and research services reference librarian kan nasambitan ng pasilidad, an libro an nakua kan sarong pamilya sa book shelf kan saindang kaparientes na kasuarin sana an namaaram naman sa kinaban.
Katakod kaini, pigtawan duon ni Smith na mangangaipuhan nin kadakol na oras kun liwat na hihilingon an mga dating records kun siisay an nagsubli kan nasambitan ng libro. Susog sa report, an library an nagbakal nin bagong kopya kan libro sa mga nakalihis na taon asin nagtitinir na nasa sirkulasyon.
Paliwanag ni Smith sa pagkakabwelta kan lumang libro, balik naman ini sa saindang sirkulasyon.
Sa ngunyan, an Cincinnati and Hamilton County Public Library dae na nagcha-charge nin late fees alagad kun bibilangon sa laog nin haros 98 taon na pagka-overdue kan libro, makakatipon na ini nin nasa $730 na penalidad sa irarom kan dating sistema.
