NAGA CITY-Pigheras kan sarong Overseas Filipino Worker an mga pinag-agihan, mga trayumpo asin an pagsisirbi kaini komo bedside nurse sa Amerika.
Sa entrevista kan Bombo Radyo Naga ki Virginia Contreras (Bedside Nurse, Bombo International News Correspondent From California, USA), sinaysay kaini na 30 taon na ini sa saiyang piniling field na kun saen pirang taon na man ining nagtatrabaho nin Critical care sa pag nursing sa mgha ICU, Emergency Rooms.
Sigun ki Contreras, dae na kaini pinadagos pa an Master’s Degreee hhuli ta mayo man sa saiyang obheto na magin manager.
Orog pang pigpapadaba kaini an saiyang trabaho sa presente huli ta an pagigin bedside nurse mahihiling an positibong epekto sa pag aataman nin mga pasyente.
Maikokonsiderar ni Contreras na pinakamarhay na desisyon sa saiyang buhay an pag padagos kan saiyang piniling ladangan.
Apwera sa pag-aadal sa nursing, igwa man ini nin degree sa Law, alagad pig inkaminar ini kan saiyang amiga na mag pasiring Amerika.
Digde na nagin magayon an dalagan kan saiyang buhay asin man dae nuarin man man nadipisilan sa saiyang trabaho.
Pigtawan duon pa kaini na padagos ining ma-inkaminar sa ibang mga kapwa pinoy na magpursue man nin Nursing oorg na ta parte na kan pagigin Pinoy an matibay sa pag aataman.
Kaya man komo healthcare worker overseas partikular na sa USA, labing piggagalang talaga an mga nurses sa lugar.
Katakod kaini nakapagresiber ini nin manlaen-laen na mga awards, mga regalo asin pag omaw. An eksperyesnya na maogma an mga pasyente sa saiyang serbisyo asin pagtukdo nin nursing sa saiyang mga estudyante an para sa saiya fulfilling.
Aminado si Contreras na huli sa kadipisilan na mabuhay nin solo abroad, sa enot dae naglaog sa saiyang isip na magin OFW alagad kan narealisar na an mas dipisil na trabaho sa Pilipinas, an nag tulak sa saiya na magsakrpisyo sa ibang nasyon.
Sa ngunyan, pirmeng balon kaini sa saiyang propesyon an saiyang pagtubod sa pagigin marespeto sa ano man na oras asin sa kun siisay man. Digde para sa saiya, dae mapapasala sa saiyang journey na pigtatahak sa buhay.
