Aram baya nindo mga ka-bombo, sarong 22-anyos na lalaki kaibahan an saiyang mga magurang an nagpamalo-malo na dentistry professionals asin nagsagibo nin root canals asin tooth fillings sa tabang kan online tutorials.
Susog sa report an pamilya na ini an nakaistar sa Havlickuv Brod, sarong banwaan na nasa 100 kilometers southeast kan Prague sa Czech Republic.
Sinda soboot an nagpamalo-malo komo dentistry professionals sa laog kan duwang taon asin nagsagibo nin baratong procedures sa dae otorisadong clinic asin mayong medical training na kun saen online tutorials sana an saindang nagin giya.
An pamilya na ini an nagsagibo nin tooth extractions, local anesthesia, root canals, asin tooth fillings sa saindang mga pasyente antes na madiskubrer kan mga kapulisan kasuarin sana.
Katakod digde, an nasambitan ng 22-anyos na lalaki an nagpamalo-malo na dentista maski mayong professional na backgroud dapit digde.
An saiya man na Ina an nagpamalo-malo komo nurse asin nagtatao nin mga materials na para sa procedures, mantang an saiyang ama an nagpo-produced nin prosthetic devices para sa pasyente.
Sigun sa mga kapulisan sa laog kan duwang taon an pekeng dental clinic nagkita nin nasa four million Czech koruna o $185,500.
Sa ngunyan sinda an pig-arestrar huli sa manlaen-laen na pagbalgar sa ley sin pigsentensiyahan na makulong sa laog nin walong taon.
