NAGA CITY- Pig-enkimanar kan sarong Sanitary Inspector an mga residente sa siyudad nin Naga na maglikay sa mga kinakakan asin iniinom na dae nag-agi sa tamang sanitation.
Sa nagin paghampang sa mga kagawad kan media ni Abel Tindugan Sanitary Inspector III, sinaysay kaini na kaipuhan likayan kan publiko an helang na posibleng magbungkaras siring kan Food and Born Diseases.
Kasabay kaini, pigsaysay man kan opisyal na makundusir sinda nin disinfection sa mga kasentruhan kan siyudad tangani man na makatabang sa kalinigan.
Sigun pa sa opisyal, kadakol na mga linya kan tubig an nalubog sa baha asin kadakol na mga water refilling station an dae pa operational hasta sa ngunyan.
Para man sa mga ma-imbak nin tubig, linigan nin marhay asin babadan soboot nin aquatop nin nasa 30 minutes tangani man na masierto na malinig an iinumon na tubig.
Sa ngunyan, pig-enkaminar na sana ni Tindugan an mga food processing establishments na mag-attend nin orientation o seminar huli ta saro ini sa mga pighahagad na sanitary permit to operate.
