Aram baya nindo mga ka-bombo, sarong siyudad sa Japan an pigkokonsederar an sarong prosopwestong ordinansa na matao nin limitasyon sa mga residente sa paggamit nin cellphone.
Sigun sa report, si Masafumi Koki, alkalde kan Toyoake sa Aichi Prefecture, pig-anunsyar na maboto soboot sinda sa sarong ordinansa para sa pagkakaigwa nin limitasyon sa paggamit kan smartphones, tablets asin computers sa luwas kan trabaho asin eskwelahan.
An nasambitan pa na ordinansa, pig-enkaminar an mga kaakian sa elementarya na magbawas nin screen time puon alas 9 nin bangi asin alas 10 nin bangi.
Katakod digde, pigsaysay man kan alkalde na an ordinansa dae man mapataw nin monetary o criminal penalties sa mga mabayolar.
Mientrastanto, marurumduman sa nagluwas na survey kan nakalihis na Marso, an mga jovenes sa Japan nagkokonsumo nin haros limang oras sa paggamit kan saindang cellphone, tablets asin computers kada aldaw sa kada semana.
