Pigsunad ni Cebu 3rd District Representative Pablo John Garcia an sarong prosopwestong ley na obhetong suguon an gabos nin public asin private offices na mag-ako nin sarong valid ID sana para sa gabos nin transaksyon.
Sa nasambitan ng House Bill 10973, igwa nin 19 klase nin identification na pwedeng akuon kan mga opisina kan gobyerno asin pribadong sektor komo balidong patunay nin identidad. Alagad pwedeng maghagad nin dugang na ID an sarong opisina tanganing magin bastante para sa transaksyon basta bawal an maghagad nin sobra sa saro.
An siisay man na habong mag-ako o magmidbid sa presentasyon nin balidong ID, posibleng magmulta nin kabangang milyon.
Mientrastanto, posibleng makulong nin maabot sa tolong taon o magmulta nin maabot sa P3-M an mga madadakop na naggagamit nin government ID sa pandadaya o pagpalsipikar nin ID. Ipinaliwanag ni Garcia na sa ibong kan pag-iral kan ley na nagkekrear sa Philippine Identification System asin PhilSys ID, kadakol pa man pighahagad na required ID an mga ahensya asin pribadong establisimiyento.
Pagabat suboot ini sa publiko huli ta posibleng mayo sindang panahon o resources na mag-apply nin partikular na ID na hinahagad kan ahensya o pribadong negosyo.
Pigproponer man kan ley na an sisay man o opisina na habong mag-ako nin anuman na IDs mamultahan nin maabot sa P500,000.
