Bukas an Commission on Elections (Comelec) sa pag ako kan mga kahagadan gikan sa publiko para sa pagkundusir nin satellite voters’ registration sa saindang mga lugar.
Sa Resolution No. 11177, sinaysay kan poll body na pwedeng maghagad an publiko para sa pagkundusir nin mga aktibidad sa listahan sa mga lugar na saindang pinili.
Susurion an mga nasambitan ng kahagadan asin pwedeng irekomendar an aksyon sa Provincial Election Supervisor, na napapairarom sa pag-aprubar kan Comelec en banc.
Nanutaran kan poll body, siringpaman, na an mga aktibidad sa pagpaparehistro kan satellite an nangangaipuhan na an numero kan mga prospective na aplikante sa pig suhestyong lugar an dae mababa sa 200.
Sa hararayong lugar kun saen didikit sana an mga aplikante an kwalipikado, dae dapat mas mababa sa 50 an saindang numero.
Sinaysay kan Comelec na enkaso natawan na an mga kahahadan, ikukundusir an mga nasambitan ng aktibidad sa mga pampubliko o pribadong establishmento na bakong pagsasadiri, inuupahan, o inookupahan komo istaran kan siisay man na nanunungkulan na opisyal kan pambansa/syudad/munisipyo/barangay, o kan siisay man na tao na may koneksyon sa siisay man na opisyal kan pambansa/syudad/munisipyo/barangay sa laog kan ikaapat na antas kan sibil kan pagkakaugnay.
Binanggit man kan resolusyon na an pagkundusir kan nasambitan ng mga aktibidad sa pagpaparehistro kan satellite an dapat na mayong dugang na gastos sa Komisyon.
Sa panahon kan pagpaparehistro kan mga botante, an gabos nin Opisina kan Election Officer (OEO) an kinakaipuhang magsagibo nin satellite registration ng mga botante sa kada barangay sa laog kan syudad/distrito/munisipyo.
Kaiba sa mga pigtugutang lugar iyo an mga barangay hall/center; pampubliko asin pribadong eskwelahan asin unibersidad; mga mall asin komersyal na establisyimento; asin iba pang pampubliko asin maginhawang lugar.
An listahan kan mga botante para sa Nobyembre 2026 Barangay asin Sangguniang Kabataan Elections (BSKE) an ipinagpadagos kan nakalihis na Oktubre 20 asin madurar hasta sa Mayo 18, 2026.
