NAGA CITY- Tapos na an pagkundusir ni Satellite Voter’s Registration sa bilog na 27 Barangay kan cuidad nin Naga.
Sa paghampang sa mga kagawad kan media ni Atty. Maico Julia Comelec Office kan Naga, isinaysay kaini na sa mga darakulang barangay kan cuidad nin Naga an nagkundusir nin duwang beses na pagpaparehistro orog na sa Barangay Cararayan, San Felipe,Concepcion Pequeña, asin Concepcion Grande, obheto kaini na dikit na sana an mga magparehistro sa huring aldaw kan Voter’s Registration sa Setyembre 30.
Siringman an duwang beses na pagkundusir nin Voter’s Registration sa BJMP sa PDLS, kun sain enot nagkaigwa nin 50 na mga nagparehistro mantang sa ika-duwa an nagkaigwa nin nasa 119 na bilang.
Mientrastanto, an Comelec nagpaluwas na nin Resolution kun sain an pwede na makadownload via online sa Comelec Website an mga Forms kan mga ma- file nin Certificate of Candidacy kun sain ini an mapoon sa Oktobre 1 hasta 8 lunes hasta domingo.
Dugang pa ni Julia na kinakaipohan na basahon na marhay an mga guidelines asin an pagfile nin COC an dae pa boot sabihon na Official Candidate na orog na kun dae nagpoon an election campaign.
Pagirumdom pa kan opisyal na an mga mabalgar orog na sa election campaign an may penalidad, dae na tutugutan na magin elected o appointed officer o makatukaw sa ano man posisyon sa gobyerno.
Sa presente an Gun Ban an magigin epektibo sa maabot na Enero kun sain ini an pahanon kan election period, kandidato na ma-withdraw sa pagdalagan an pwede dawa anong oras. Pig-esplikar pa kaini an pag withdraw an pwede huli sa personal na rason o substitution.
Padagos man an aAktibidades sa ahensya kan Comelec orog na sa preparasyon sa ikukunsusir na elekcyon sa masunod an taon.
