NAGA CITY – Iuuntok na kan Commission on Elections(COMELEC)-Naga an pagkokondusir nin satellite voter’s registration ngunyang bulan nin Hulyo.
Sa entrevista kan Bombo Radyo Naga ki Attorney Maico T. Julia, COMELEC Officer kan COMELEC Naga, dai muna soboot sinda makondusir nin satellite voter’s registration ngunyang Hulyo nin huli ta igwa sinda nin ikokondusir nin ERB hearing sa Hulyo 15.
An ibig sabihon soboot kan ERB hearing, sa mga nagparehistro kan Abril, Mayo, asin Hunyo for approval o disapproval kan saindang board.
Sigun ki Julia, kun mayo man nin rason for disqualification asin kwalipikado man soboot an registrant saka ini aaprubaran.
Dugang pa kaini ma-proseso an nasambitan kaya dai muna sinda makondusir nin satellite voter’s registration.
Pag-abot man soboot kan Hulyo ma-resume naman sinda kan satellite registration.
Sigun ki Julia, padagos pa man liwat an voter’s registration sa saindang opisina puon Lunes hasta Sabado.
An satellite voter’s registration sana soboot an saindang dai masasagibo sa presente.
Dai man soboot ibig sabihon na porke nakaparehistro awtomatiko na ining botante, asin pigkokonsiderar muna sinda komo aplikante.
Sigun ki Julia pwedeng ma-disaprubar an aplikasyon kan sarong aplikante kun ini bakong totoong residente kan sarong barangay, bakong Pilipino an citizenship, o kaya man may conviction nin 1 year and 6 months o labi pa.
