Nagpatanid an Saudi Arabia sa Iran na seryosohon an alok ni U.S. President Donald Trump para sa sarong nuclear deal kun saen soboot pinakamaray na paagi tangani malikayan an posibleng digmaan kontra sa Israel.
Pigtawan duon ni Prince Khalid bin Salman na limitado sana an pasensya ni Trump sa haralabang negosasyon asin posibleng magsarado an pinto para sa diplomasya.
Nahahadit man an Saudi sa posibleng paglala kan tensyon sa Gitnang Silangan, na dati nang pinaluya kan mga gyera sa Gaza asin Lebanon.
Napagaraman na pinaplanong makipag-ulay kan Estados Unidos sa Iran, kun saen obhetong bawasan an uranium enrichment kan Iran karibay kan paghali kan economic sanctions kontra sa nasyon.
Siringpaman, sigun sa mga opisyal kan Iran, bagaman mawot nindang magkaigwa nin kasunduan, dae sinda matugot na isuko an saindng programa sa uranium enrichment.
Nag promisa man si Prince Khalid na dae tutugutan kan Saudi Arabia na gamiton kan U.S. o Israel an teritoryo kaini para sa ano man na opensibang militar kontra sa Iran.
Siringpaman, pinag inkaminar kaini an Iran na likayan an ano man na lakdang o aksyon kan mga kaalyado kaini na pwedeng magpa-anggot sa Washington.
