Pigsalakay kan National Bureau of Investigation (NBI) cybercrime division an sarong establisyemento na nagsiserbeng scam hub sa siyudad kan Makati.
Pigsagibo an pag-raid kan mga otoridad mag-oomagahon kan Sabado.
Maabot sa 17 na mga dayuhan an pinagtutubudan na imbwelto sa manlaen-laen na scamming an naarestar.
Katakod dgdi, nakakumpiskar man an mga otoridad nin mga computers, sim cards, cellphone asin mga notebooks kun sain nakasurat an mga scripts kan mga suspeks sa panloloko.
Basado man sa imbestigasyon kan NBI na pirang aldaw na nindang pigmamanmanan an mga lugar antes isagibo an nasambitan ng operasyon.
Mientrastanto, pig-iimbestigaran man kan mga otoridad an naarestar kaining mga suspek asin pigaaram kun sisay pa an mga ibang kaibahan kaini.
