Nagbabalyo na sa social media asin man messaging apps an mga scammer sa Pilipinas, sigun sa anti-fraud app na Whoscall.
Sa saindang report para sa ikaduwang quarter kan 2025, naglangkaw nin 28% an mga naireport na kahina-hinalang link, gikan man sa 13,602 sa primerong quarter pasiring sa 18,735 an nabibiktima.
Kadaklan sa mga ini an pinapalakop sa Facebook, Viber, asin Telegram, kun saen pinapadara an mga link pasiring sa mapaminsalang websites.
Sumipa nin 76% an mga scam na may koneksyon sa online gambling, mantang 57% an piglalangkaw kan mga scam na nag-aalok nin rewards asin promos. Naglangkaw man nin 20% an mga link dapit sa mga pekeng pautang.
Sigun man sa developer kan Whoscall an paglangkaw kan social media scams an epekto kan matrayumpo na pagbawas sa text asin man call based scams.
Gikan kaya sa 1.28 milyon kan nakalihis na taon, nagbaba sa 65,035 an mga naireport na text scam.
Siring man sa scam calls na nagbagsak nin 74%. Patanid man kan Cybercrime Investigation and Coordinating Center (CICC), dakulang hamon ngunyan an pagsugpo sa mga panlolokong naka-embed sa mga apps na madalas gamiton kan mga Pilipino.
