Aram baya nindo mga ka-bombo, nagtrayumpo an schnauzer breed na Ido sa Westminster Kennel Club dog show.
An nasambitan ng Ido na pinangaranang si Monty an nangenot sa 2,500 na mga Ido asin ini an enot na giant schnauzer na nakakua nin pinakahalangkaw na titulo sa pinakasikat na dog show kan US.
Labi man an kaogmahan asin pig-orgulyo kan amo kaini na si Katie Bernardin an kapangganahan kan saiyang Ido sa show na pigkundusir sa Madison Square Garden sa New York City.
An dog clug iyo man an pinakagurang na dog show na nasa ika-149 na taon.Nakua kaini an Working Group category alagad bigo sa overall prize an 5-anyos na lalaking si Monty.
Pinili man kan sarong judge na si Paula Nykiel komo Best in Show an nasambitan ng Ido huli ta nangenot ini sa mga preliminary events sa tolong aldaw na kompetisyon.
Kan nakalihis na taon, gana man an miniature poodle komo best in Show.
