Pigtawan duon ni Albay 3rd District Representative Raymond Adrian Salceda sa Department of Public Works and Highways (DPWH) na tawan pokus an pagpapautob kan science asin evidence-based flood control projects.
Ini tanganing masierto na an mga maititindog na mga proyektong mapugol sa pagbaha epektibo asin totoong makakatao nin proteksyon sa buhay asin kabuhayan kan mga tawo.
Pangapudan ini ni Salceda sa DPWH kasunod kan labing danyos kan Bagyong Uwan sa saiyang distrito.
Binanggit ni Salceda na huli sa nag-iiral na national ban sa mga flood control projects dakol sa mga istrukturang naraot kan pananalasa kan Bagyong Kristine an dae pa soboot napapakarhay.
Kaya man sigun ki Salceda, sa panlalamasa kan Bagyong Uwan nagsasagibo na sana sinda nin paramientras na sandbagging operations tanganing mapauktaba an paglaog nin baha mantang pig-iibwakwar an mga residente.
Alagad dugang pa ni Salceda, dae man naghaloy an mga sandbag huli sa makusog na uran asin agos kan tubig.
