Aram baya nindo mga ka-bombo, pigpabisto kan Scientists sa sarong robotics laboratory sa National University of Defence Technology (NUDT) sa Hunan province kan China an sadit na insect-like drone na para sa surveillance asin reconnaissance missions.
Susog sa report an sadit na drone na ini pig-featured an nag-iitok na mga pakpak asin manipis na garo buhok sa bitis na nakakatabang tanganing dae ini mapansin.
Igwa ining potensyal na ma-revolutionise kan manlaen-laen na industriya asin aplikasyon huli sa sadit na sukol asin kakayanan na maghalo sa kapalibutan na dae nade-detect.
Orihinal ining pigbilog para sa military reconnaissance missions, alagad kadakol an nagtutubod na posible ining gamiton kan Chinese government para sa surveillance purposes.
An drone an igwang sukol na nagpapakol sana sa 1.3 centimeters asin madali na makontrol sa paagi kan smartphone.
Igwa ining mga pakpak na garo dahon, tolong saradit na tabay, asin mas tuninong kaysa sa mga regular na drone.
Mientrastanto, igwa man nahihiling na kaluyahanan digde nin huli ta an battery kan drone an limitado sana man kaya kaipuhan na matutukan pa.
