Nakatalaan na pagianon kan Security and Exchange Commission an obligasyon sa pagrereport kan mga sararadit na negosyo.
An mga dokumentong ini an kaipuhang sertipikado sa irarom kan panunumpa kan saindang treasurer o chief financial officer antes isumiter komo karibay kan audited financial statements.
An polisiya ipapautob sa mga financial statement na sakop kan fiscal year na matapos sa Disyembre 31, 2025 alagad nakadepende sa pag-apruba kan DOF.
Sa presente, kinakaipuhan kan SEC na an mga korporasyong igwang kabilugan na asset o liability na dae mababa sa P600,000 an masumiter kan taunang financial statement na na-audit kan sarong independent certified public accountant.
Siringman, pigtawan-duon kan ahensya na pigbibisto man kan Revised Corporation Code of the Philippines an kapangyarihan kan DOF na magtala nin limitasyon.
Sa pagbubusol kaini an pagpapahewas kan threshold, obheto man kan SEC na bawasan an mga insidente kan rubber-stamp audits, halion an mga ulang sa pagpaparehistro, asin gibuhon na simple an mga obligasyon sa pagsunod.Ini an pinakabagong lakdang kan ahensya tanganing gibuhon mas marekas an pagnenegosyo para sa MSMEs.
Naenot nang pig-anunsiyar kan SEC na an pinakabagong mga polisiya na ini an nagresulta sa lampas P80 milyong kantidad kan diskwento para sa saradit na korporasyon.
Sakop kaini an lampas 40,000 transaksyon, kaibahan an mga company filing.Sa bilog na diskwento, lampas sa kabanga o P40.9 milyon an napasiring sa MSMEs, sigun sa SEC.
Kan Hulyo, pigpautob an paramientras na 50-porsyentong diskwento sa mga pisikal asin authenticated na kopya kan company filings, na nagresulta sa lampas P36.5 milyong diskwento.
Kaibahan sa mga dokumentong ini an articles of incorporation asin by-laws, general information sheets, asin annual financial statements na dating nagpakol sa P2,000 kada saro.
An diskwento an magigin epektibo hasta sa katapusan kan taon.
