Nasitar ni Senador Raffy Tulfo an Securities and Exchange Commission (SEC) huli sa pagre-regulate kaini sa mga financial asin lending companies na nagpapadalagan kan kaniya-kankiyang mga online lending applications (OLAs).
Natuklasan ni Tulfo sa pigkasar na pagdangog kan Senate Subcommittee on Banks and Financial Institution na pigpapabyaan soboot kan SEC an lending companies na iheras an confidential information kan “borrowers” sa third party service providers na nakasaad sa Section 2 kan saindang Circular No. 18 s. 2019.
Depensa ni Atty. Kenneth Joy Quimio, OIC Dircetor kan Financing and Lending Companies Department kan SEC, partner man soboot ini kan mga OLA na nagsisirbing agents ninda.
Bagay na pigtutulan NI Tulfo asin sinaysay na maliwanag na pagbalgar ini sa Data Privacy Act of 2012 (Republic Act No. 10173) na nagpoprotehir sa mga sensitibong impormasyon kan sarong indibidwal.
Dugang pa kan senador, mahkaibang entity an OLA asin an third party service provider na dae dapat pigtatawan nin siring na mga sensitibong impormasyon.
Pig-suhestiyon ni Tulfo na magtalaga o mismong mga collection units na dapat kan OLAs an dapat magkolektar nin mga utang tanganin igwang habol an mga biktima sakaling sinda i-harass.
Pigrekomendar man kan lehislador an dagusang pagsibak sa nasambitan ng probisyon kan nasambitan ng SEC circular asin pagrepaso kaini tanganing makabilog nin bagong polisiya.
