Sinayumahan kan Securities and Exchange Commission (SEC) an kahagadan kan Villar Land Holdings na palawigon an deadline kan pagsusumiter kan saindang2024 Annual Financial Statement (AFS) asin First Quarter (Q1) Report asin ipinataw an administrative fines na dae mababa sa ₱12 milyon.
Naghagad an kumpanya na iatras an deadline kan AFS puon Abril 15 asin Q1 report puon Mayo 15 pasiring Agosto 31.Sigun sa Villar Land, an saindang auditor an naghagad nin dugang appraiser tanganing liwat na surion an kantidad kan mga ari-arian kan kumpanya.
Alagad hurot kan SEC na bakong bastante an rason tanganing tawan nin extension, orog na ta igwang epekto ini sa transparency asin tiwala kan publiko sa merkado.
Kan nakalihis na taon, nag-angat nin husto an kita kan Villar Land makalihis an dakulang revaluation kan saindang mga investment properties.
Gikan sa₱1.46 bilyon kan taong-2023, nagpakol an earnings kan kumpanya sa haros ₱1 trilyon, sarong paglangkaw na pigkokonsiderar na bakong karaniwan sa industriya.
Mayo pang opisyal na pahayag gikan sa Villar Land Holdings dapit sa desisyon kan SEC.
Katakod kaini, pigbabantayan kan mga investor asin analysts an magigin epekto kaini sa reputasyon asin operasyon kan kompanya.
