Pigbawi kan Police Security and Protection Group (PSPG) an duwang security detail ni Senador Ronald “Bato” Dela Rosa sa Davao City pirang aldaw makalihis an pagkakaarestar ki dating Presidente Rodrigo Duterte.
Kinumpirmar ni Dela Rosa na pag-puli kaini nin Davao kan nakalihis na aldaw nin Lunes, Marso 24, ay mayo na soboot ining security asin pinag-report na an mga ini sa saindang unit.
Paglilinaw kan senador, igwa ini ning security detail sa Davao asin man igwa man sa syudad kan Maynila.
Alagad dae sigurado an lehislador kun pati sa Maynila ay binawi na man kan PNP. Dugang ni Dela Rosa, mayo nin ano man na problema sa saiya enkaso man halian ini nin security sa Davao nin huli ta gabos man nin tao sa lugar ay amigo man ini.
Makalihis mapag-araman kan senador na binawi an saiyang security detail, igwa nin mga nag-volunteer soboot na mga amigo kaining retiradong pulis asin man sundalo tangani sana tawan ini nin proteksyon mantang nasa Davao.
Nilinaw man ni Dela Rosa, na naiintindihan kaini kun tano pigbawi kan PNP an saiyang mga security detail. Naglilikay sana man soboot an mga unit commander asin man dae naman soboot namamatian na pighihigutan ini.
