NAGA CITY- Gadan an sarong security guard makalihis na pagbabadilon kan riding in tandem suspects sa banwaan nin Lupi, Camarines Sur.
Binisto an biktima na si Dindo Villafranca, 32-anyos.
Sa entrevista kan Bombo Radyo Naga ki PO3 Carlito Navarroza, hale sa PNP Lupi, sinaysay kaini na nagpapasada kan saiyang tricycle an biktima kan bigla na sana ining ranihan kan duwang dae pa nabibistong mga suspetsado.
Sigon ki Navarroza, mayo suboot kaiwal o huma sa saiyang buhay an nasambitang biktima.
Narekober sa pinangyarihan kan pambabadil an basyo nin M16 rifle.
Basado sa imbestigasyon kan mga kapulisan, security guard kan tower nin sarong telecommunication company sa banwaan nin Sipocot an biktima.
Sa ngonyan, padagos pa nanggad an mararumang imbestigasyon kan mga kapulisan upang malaman ang motibo sa nasabing krimen.
