Prayoridad kan pamayuhan kan San Francisco, Ocampo, Camarines Sur an seguridad asin katuninongan sa papaabuton na Undas 2024.
Sa nagin entrevista kan Bombo Radyo Naga ki Elias Mendoza Ibarrientos, Barangay Kagawad, Committee on Appropriations, pigsaysay kaini na an mga ipagbabawal ninda sa obserbasyon kan Undas an gikan man sa LGU kan saindang banwaan asin dae man soboot sinda pwede mag-execute nin mga panundunan na dae mandato kan nasa taas.
Pigtawan-duon pa man ni Ibarrientos, na an pag-inom ipinagbabawal kan mga Padi huli sa pagsunod sa pagigin katoliko. Dugang pa kan opisyal na kun enkaso igwang videoke man pupwede sana man ining gamiton hasta alas-10:30 nin banggi.
Dugang pa digde, piglilimitaran man kan LGU-Ocampo asin kan nasambitan ng barangay an pagtitinda nin mga inumon asin kun igwang mahiling soboot saindang pinapahali ini.
Bawal man an mga ilaog sa sementeryo an matatarom na bagay orog na an mga pigkokonsederar na deadly weapon.
Pangapudan man ni Ibarrientos orog na sa mga pagtaraid na barangay na sakop kan nasambitan ng banwaan na kun ano man an mandato kan lokal na gobierno iyo man soboot an sunodon, asin an mga mabisita sa mga puntod siertuhon man na igwang bitbit na sako na bugtakan kan basura.
