Nagtitinir na mahigot pa man giraray an seguridad sa Malacañang makalihis an nagin mahewasang hiro-protesta kasuudma.
Dae basta-basta nagpapalaog sa Malacañang compound nin maski siisay na mayong pagtugot o clearance gikan sa Presidential Security Command.
Marurumduman, nagkaigwa nin tensiyon sa parte kan Mendiola asin Ayala Bridge, partikular an pagsulo sa rida kan sarong container van kan nagkapirang grupo kan mga jovenes.
Sigun ki Palace Press Officer Atty. Claire Castro, nakamonitor si Presidente Ferdinand Marcos Jr. sa mga pangyayari asin nakaabot na sa saiya an nangyari sa palibot kan Malacañang.
Aaramon man kan Palasyo kun siisay an nasa likod kan insidente huli ta sarong dakulang kuwestiyon kun paano naghirilingan an grupo asin gabos an nanggapo asin igwang gamit sa pansusulo.
